Sani Peyarchi Palangal 2012 in Tamil | Taurus (ரிஷபம்) Astrology Predictions | Rishabham Rasi Palangal Free Tamil 2011 2012

ரிஷபம் (கிருத்திகை 2-ஆம் பாதம் முதல், ரோகிணி, மிருகசீரிஷம் 2-ஆம் பாதம் முடிய)

ரிஷப ராசிநாதன் சுக்கிரன் 7-ல் இருந்து ஜென்ம ராசியைப் பார்க்கிறார். ராசிநாதன் ராசியை பார்ப்பது நல்ல பலம். ஆனால் ஜென்ம கேதுவும் 5-ஆம் இடத்து சனியும் 7-ஆம் இடத்து ராகுவும்- உங்கள் தேக நிலையில் பாதிப்பு பங்கத்திற்கு இடமில்லை என்றாலும் மனைவி அல்லது பிள்ளையைப் பற்றிய கவலைகளை உண்டாக்கி உங்களை நோகடிக்கலாம். அதன் காரணமாக உடல்நலம் பாதிக்கப்படலாம். 4-க்குடைய சூரியன் 6-ல் மறைவதும் நீசமடைவதும் குற்றம். தாயாரின் உடல்நிலை பாதிக்கப்படலாம். அல்லது சகோதரர் வகையில் சஞ்சலங்கள் ஏற்படலாம். குரு 12-ல் வக்ரமடைவதால் உங்களை நம்பி சிலர் பணப் பொறுப்புகளை ஒப்படைக்கலாம். அதை உங்கள் அவசரத் தேவைக்கு எடுத்துப் பயன்படுத்திக் கொண்டு, பிறகு அவர்கள் கேட்கும்போது அக்கம் பக்கம் புரட்டி நாணயத்தைக் காப்பாற்றும் நிலை உருவாகும். எதையும் கணக்குப் பார்த்து திட்டமிட்டுச் செயல்பட வேண்டும்.